საყვედური

კითხვითი სიტყვებით,

კითხვითი ნიშნების გარეშე

 

ჰეი, შენ, მე-ამინ -ევ,

თქვი: ამინ!

დამიდასტურე ცხადი.

 

მითხარი:

 

საზღვარია თუ საზღაური,

როგორ დავივიწყო,

რაც იყო და არა იყო რა.

 

რატომ გაურბიან

თვალხილულები სინათლეს.

რატომ მესმის ჩემი ხმა

როცა არ ვლაპარაკობ.

 

როგორ შევძლო

საკუთარი თავის უკეთ თხრობა

 

ან

 

რატომ გამიყვანე სახლიდან

ახალი კაბის საყიდლად,

 

როგორ დაგიჯერე:

 

ნახე - შენი ფერი,

უნდა მოიხდინო.

 

ტანზე და ყელზე

ერთნაირად დამადგა იგი.

 

თქვი: მე-ამინ -ევ,

 

ამინ!

 

დამიდასტურე ცხადი:

 

დამაჯერე, რომ საათები

ოდესმე დროს მაინც დააფასებენ.