დღეს სადილად გვაქვს
ჩემი ლექსი.
პირველი:
უნდა მივირთვათ, სანამ ცხელია.
სანამ სიტყვებს დაუწევს სიცხე.
მაპატიე, რომ
ზედემეტი აქვს ოდნავ - მარილი
მეორე:
სიტყვებს აქაც ვუნარჩუნებ ტემპერატურას.
თავდახურულ ქვაბს
მოვხდი სახურავს
და სანელებლით გაჯერებული ლუკმები
კალმის წვერიდან
ენის წვერზე გადაბარგდება.
დესერტი:
ტორტი - ალუბლის,
ნაყინი - ჟოლოს,
ტკბილი და მჟავე - მონაცვლეობით.
ვალაგებთ სუფრას,
ვიღებთ ნარჩენებს,
მზრუნველად გწმენდ
ტუჩებს - ტუჩებით.
ნატო ინგოროყვა – © 2013. ყველა უფლება დაცულია.