უკან დაბრუნება

გზავნილი ჩეჩენ დედებს

მდინარე არღუნმა ჩეჩნეთისაკენ ხევსურეთში

ტრაგიკულად დაღუპული ბავშვების ცხედრები წაიღო

ჩვენკენ -

ელდა ამოყარეს თევზებმა ქვირითებად.

თევზებმაც გააღეს პირი.

მდინარეს შიშმა დაუარა,

არღუნი წითელი მდინარეა,

წყალმა შეიცვალა ფერი.

თქვენკენ -

სიცოცხლე ნაფოტივით წამოიღო,

მკვდრები ცოცხლებს გვამხნევებენ,

გადარჩენილებს ვტირით.

სიკვდილი პირში ჩაგვიგუბდა,

სათქმელი ვეღარ ამოგვითქვამს,

ამ გემოს ერთნაირად ვიცნობთ

ერთად -

ვუმღეროთ ჩვენს შვილებს იავნანა,

ვუმღეროთ ჩვენს შვილებს იავნანა,

ვუმღეროთ ჩვენს შვილებს იავნანა,

მკვდრების იავანანა - ზარი.

უკან დაბრუნება