აქ ყოფნა ბედია,
ბედი - ბედნიერება,
უფრო - გამბედაობა
თუკი მოათვინიერებ.
უნდა შეძლო და
უნდა ისწავლო,
ალბათ უფრო -
გამოიგონო
ანუ
საკუთარი თავი დააბოლო,
სხვები - უფრო
მარტივია.
უნდა თქვა:
რომ ”ის” - არჩევანია,
არჩევანი - ფუფუნება,
რომ მარტოყოფნა
უნაშთოდ არ იყოფა
და
მაინც არ გეთმობა
მოიტყუო თავი და
ცა ცქერით რომ არ დაღალო,
მიწაზე უნდა ჩამოიტანო.
გაიცნო და
შეიყვარო სიტყვები:
”მეტაფორა” და ”ჰიპერბოლა”,
ამით ცხოვრება გაიადვილო.
ეს ისე, მშრალად,
უფრო - ყელში გამოსავლებად,
იცის ტყუილმა
ყელზე დადგომა.
ნატო ინგოროყვა – © 2013. ყველა უფლება დაცულია.