ღმერთო,
სიყვარულმა დამასწრო და
სიყვარულში გამოგიტყდა
ანუ -
არსებობ.
ვლაპარაკობთ შენობით -
გავშინაურდით
ანუ
ვამბობთ:
მესამე - ზედმეტია.
გხედავ:
აი, ღმერთი
აი, ჩემი ღმერთი
უნდა დავიწყოთ თავიდან
ანუ მასწავლო:
როგორ გავიღვიძო,
როგორ დავიძინო,
როგორ ვწერო,
როგორ მოგიყვე,
როგორ წაგაკითხო და
გაგხადო თანაზიარი.
როგორ ვიცხოვრო შენთან (და ერთად).
როგორ მოვიტყუო თავი (და სხვა).
ანუ გამოგიტყდე:
თუკი ყველაფერი დამთავრებულია,
თუ სამოთხე ბოლო ჰორიზონტია -
ჩიხი.
ნატო ინგოროყვა – © 2013. ყველა უფლება დაცულია.