არჩევანი მე, არადანი შენ
თუ მე ვირჩევ,
მირჩევნია გავტყდე,
ვიდრე გავიბზარო.
თუ შენ ირჩევ
დგომას, თან - ერთ ადგილზე,
ვერ გავჩერდები,
გზაში ვარ და მივდივარ.
თუ მე ვირჩევ,
მირჩევნია გადავწყვიტო,
თუნდაც დამთავრდეს,
რადგან მომავალი
თავს არ იკლავს წარსულით.
და თუ ვირჩევ
ვამბობ:
მე - სახლი,
შენ - სახურავი.
შენი არჩევანი - წოლა კედლისკენ,
ჩემი - შენ კედელი.
იყოს
არჩევანი ჩემი არ აგიხსნა,
იყოს
არჩევანი შენი მაჩვენო,
რომ მე ვარ წისქვილი,
შენ - წყალი.
და იყოს ისევ
ქატო იქა,
ფქვილი აქა
გადავაგდე სავარცხელი.
ნატო ინგოროყვა – © 2013. ყველა უფლება დაცულია.