შემოდგომის მიწურული,
როგორც მშვიდად მომაკვდავი მოხუცი,
რწმენით,
რომ თითოეულმა ფოთოლმა დადო მთელი თავისი სიყვარული ხის ფეხებთან,
ჩემი და შენი.
აქ, სადაც ერთ მხარეს ზღვაა, მეორე მხარეს - ტბა,
გედებით, რომელიც ღმერთმა შექმნა მეშვიდე დღეს,
როგორც ნიშანი სიმშვიდისა, როგორც გედის სიმღერა.
ადამიანის ხორკლიანი აზრები გაქარწყლდება,
სულის მშვიდი ნათება მოერგება ზღვას და
გაცურავს ყოვლისშემძლის დაბინდულ თვლემაში.
ნატო ინგოროყვა – © 2013. ყველა უფლება დაცულია.