ІЛЮЗІЯ

Гэта не падобна

да ценю, што варушыцца на сьцяне,

і не падобна да звычайнага сну,

дзе можна зьмяніць дату сьмерці,

пераблытаўшы лічбы.

І гэта ня тое,

калі словы – апэльсінавы фрэш

ці

гарачы, вязкі шакаляд,

што драпае горла.

І ня тое,

калі ня хочаш злучыць

і вымавіць словаў,

бо думаеш – так застануцца.

Гэта ня ростань

з надпісам:

“Налева пойдзеш – няшчасьце знойдзеш,

направа пойдзеш – няшчасьце знойдзеш”.

Гэта проста дарога,

дзе стома возьме цябе на сьпіну

і, калі больш не захочаш паміраць адна,

няважна хто,

няважна чаму,

няважна дзе

прыйдзе да цябе і чалавечым голасам

нязмушана й лёгка

скажа:

я з табой.

მთარგმნელი:ალესია ბაშარიმოვა