Не кажы, толькі пішы мне.
Лягчэй з напісаным.
Можаш вылучыць колерам,
а потым выдаліць,
як акрабата, перакінуць, куды захочаш.
Словы набраліся паслухмянасьці.
Яны сьведчаць,
што сьмерць з чужога досьведу
і сьмерць ад чужой рукі –
нашмат лягчэйшая;
што паміж вылучэньнем слова
і яго выдаленьнем
адлегласьць мізэрная;
што апэратыўная памяць захоўвае слова на столькі,
колькі часу яно
было разам з табой.
Словы адчуваюць:
пакуль ён вандруе,
сьмерць спадарожнічае яму.
Мы
складаем дарогу,
пакідаем вершы, як знакі,
і думаем:
хто яшчэ йдзе за намі,
акрамя часу?
Споведзь – тое ж самазабойства,
і свае думкі цягнуць цябе ў дрыгву.
Дарога вядзе
да абрыву.
მთარგმნელი:ალესია ბაშარიმოვა
ნატო ინგოროყვა – © 2013. ყველა უფლება დაცულია.